Қазақстан Республикасы Ұлттық ұланының Әскери институты құрылғанына 25 жыл толуын атап өтті

2022 жылдың 19 наурызында Н. Погодин атындағы облыстық драма театрында Қазақстан Республикасы Ұлттық ұланы Әскери институтының құрылғанына 25 жыл толуына арналған салтанатты іс-шара өтті. Іс-шараның ресми бөлімінен кейін Қазақстан Республикасы Ұлттық ұланының ән және би ансамблінің гала-концерті өтті.
Салтанатты іс-шараға Қазақстан Республикасы Ұлттық ұлан Бас қолбасшысының орынбасары генерал-майор Әлібек Сералиев, Ұлттық ұлан ардагерлер кеңесінің төрағасы генерал-майор Қалиақпар Тоқышев, СҚО облыстық сотының төрағасы Ербол Жанғазин және әр жылдары оқу орнын басқарған институт бастықтары: оның бірінші басшысы отставкадағы генерал-майор Амангелді Дюкенев, оқу орнын 11 жыл басқарған, қазір Елбасы -Қазақстан Республикасы Тұңғыш Президенті атындағы Ұлттық қорғаныс университеті Ұлттық ұлан факультетінің бастығы генерал-майор Жұмабек Ахметов, отставкадағы полковник Сәбит Ахметов.
Іс-шара барысында ерекше көзге түскен әскери қызметшілер мен ардагерлерге медальдар, грамоталар мен алғыс хаттар табыс етілді, сондай-ақ мерзімінен бұрын әскери атақтар ҚР Ішкі істер министрі мен Қорғаныс министрі, Ұлттық ұланның Бас қолбасшысы және Солтүстік Қазақстан облысының әкімі атынан берілді.
Жеке құрам алдында Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары генерал-майор Әлібек Сералиев Әскери институттың қалыптасуы мен дамуының даңқты жолынан өткенін атап өтті. Бүгінде Ұлттық ұлан кадрларының ұстаханасы біздің елімізде ғана емес, жақын шет елдердегі жетекші жоғары оқу орындарының бірі болып табылады.
Институт ұжымы қойылған міндеттерді орындап, аға буынның даңқты дәстүрлерін жалғастырушы әскерлер үшін жоғары білікті офицерлерді даярлауды жалғастыратынына сенімдімін.
Сондай-ақ, СҚО облыстық сотының төрағасы Ербол Жанғазин, әскер және институт ардагерлері отставкадағы генерал-майор Қалиақпар Токушев пен генерал-майор Амангелді Дюкенев құттықтау сөз сөйледі.
1997 жылдың көктемінде Қазақстан Республикасының Тұңғыш Президенті Н.Ә. Назарбаев Ішкі әскерлердің кадрлық проблемаларын және олардың даму келешегін ескере отырып, Петропавл қаласында Қазақстан Республикасы ІІМ Ішкі әскерлерінің Жоғары әскери училищесін құру туралы шешім қабылдады. Осыған байланысты Қазақстан Республикасының Үкіметі 1997 жылғы 18 наурыздағы № 349 қаулыны қабылдады. Бұл күн әскери оқу орнының құрылған күні болды.
Оқу орны 25 жылдық тарихында 3951 жас офицерді даярлап шығарды, олардың 270-і оқуды үздік бітіргені үшін, 49-ы «Әскери жоғары оқу орнын үздік бітіргені үшін» төсбелгісімен марапатталды, олар Ұлттық ұланның, ҚР ҰҚК Шекара қызметінің, Қорғаныс министрлігінің, Мемлекеттік күзет қызметінің және басқа да әскери құрылымдар бөлімшелерінің офицерлер құрамының қатарын толықтырды.
Ұлттық ұлан үшін әскери мамандар даярлауды одан әрі жетілдіру мақсатында Қазақстан Республикасының Үкіметі Ұлттық ұланның Әскери институтын Қазақстан Республикасы Ұлттық ұланының Академиясы деп қайта атау туралы 2022 жылғы 02 ақпандағы №48 қаулы қабылдады.
Бұл барлық бағыттар бойынша әскери ғылыми-педагогикалық кадрларды, жедел-тактикалық деңгейдегі білікті мамандарды тиімді даярлауды қамтамасыз етуге мүмкіндік береді. Қоғамдық қауіпсіздік саласында ғылыми зерттеулер жүргізу, ішкі істер органдарының, басқа да әлеуетті құрылымдардың офицерлері мен қызметкерлерін қайта даярлау.
Бүгінгі таңда оқу орнының алғашқы түлектері құрамалар мен әскери бөлімдерді басқарады, ал олардың кейбіреулері бас қолбасшылықта және аймақтық әскери қолбасшылықтардың штабтарында басшылық лауазымдарда қызмет етеді.

Қазақстан Республикасы Ұлттық ұланы
Әскери институтының баспасөз қызметі